Ihr liewe Leid aus da Geeschend!

Do an der Stell - weida unne -  krien na in Zukunft imma e Kommendar zu dem was bei uns im Saarbrigga -Weste so alles passierd und besonnaschd zu demm was so in Burbach laaft!  

De Kommendar zu de Neiwahle im Sebdemba (aankligge!)

Bilda "BURBACH BEI NAACHT"  (aankligge !)

Außadem muss ich noch was saan:
Wie na mitgridd hann, iss dass zwar e Seid uff saarländisch, genauer uff rheinfrängisch awwa, dass heischd nadirlich nidd, dass es do nidd um ernschde Sache geht - es iss halt nur so geschrieb wie mir schwätze, wenn mir unnananna sinn!

Witze genn do nur gemacht wenns ausdricklich draansteht !

Allee dann !

Wahrscheinlich hann na sowas noch nidd gesiehn - e Home-Page ganz uff saarländisch. Ich hann gedacht es iss jetzt mo Zeit do defir. Uff die Idee bin ich kumm, als ich de Luxeburja in ihrem Fernsehn zugeguggt hann. E Reporda hat do de Wirtschaftsminischda  ausgefroht unn zwar scheen uff luxeburjisch. Das war fir die ganz normal unn warum soll dass fir uns nidd ach ganz normal genn. Ich menn was mir do so ganz offiziell schwätze - hochdeitsch - hamm mir jo nur iwwanomm. Saarländisch, das heischd rheinfrängisch hier im Egge unn moselfrängisch in der Saarlouisa Geschend sinn vill älda als das hochdeitsch das mir aus Hannover gridd hann. Warum solld dann nidd auch im Saarland, saarländisch als gildische Sproch anakannt genn - neewe hochdeitsch nadirlich. Bei de Luxeburja gebts drei Amtssproche - franzesisch, deitsch unn luxeburjisch. Mir kinne dass ach! Unn für die Vaständischung mit unsare Nachbarn aus Lottringe und Luxebursch wär dass sowieso vill bessa. Grad die Lottringa kinne jo oft noch ihr Dialekt unn der ist vom Ursprung her die gleich Sproch wie dass was mir schwätze.

* A G D U E L L *** A G D U E L L *** A G D U E L L *** A G D U E L L *** A G D U E L L *** A G T U E L L *** A G D U E L L *

: manfredklasen@freenet.de

NEWS - Ticker : ...