DE KOMMENDAR fir Juli/Auguschd 2004
DIE "BRAUNE" IM BEZIRKSRAT - ich glaabs nidd!
Mei liewa Mann, ich kann eich
sahn, als ich no da Kommunalwahl die Ergebnisse für unser Egge do im Saarbrigga
Weste gesieh hann, iss mir ganz annaschd genn. Hann doch die NPD-la mit
iwwa 8 % zwei Leid in de Bezirksrat ninn gridd. Do froht ma sich doch was das
soll un wie das hat kumme kinne .
Johrelang hann die annere Pardeie so gemach als wann sie unna sich wäre und die
Braune nix se schwätze hätte. Iss annaschd kumm und die misse sich mo frohe ob
se do nidd auch e bissje dran Schuld sinn.
Wenns de Leid schlecht geht, unn es geht imma mehr Leid schlecht, dann muss es
änna von des Poliddigga Schuld sinn. Stimmt ja ach, wenn ma de Leid imma mehr
an Sozialleischdungen kirzt unn es dehemm nur noch Nudle gebt, iss de Knaatsch
do. Deshalb muss ma nidd die Braune wählen, die hann schon genuch Ungligg iwwa
uns gebracht. Awwa die Leid vagesse halt schnell. Die annere Politigga hätte
das awwa wisse kinne, nur gemacht hann se halt nix.
Wenn änna dumm Zeich iwwa Auslänna geschwätzt hat, hann se oft ach nidd de
Mund uff gridd. Im Gejedäl, oft hann se denne Dummschwätza auch noch Recht
genn. So kann ma nadirlich nidd gehe die Braune vorgehn. Unn die Leid die die
gewählt hann misse sich mo frohe was se do gemacht hann. Wer klaawe ihr dann
kääm als erschda in die Awedslacha, wenn se welche baue wirde? Do kinne na
awwa drei mo roode! Die Leid mit de digge Geldbeidel jedenfalls nidd.
Jetzt hugge die zwei Grindkepp im Bezirksrat unn dürfe ihr Gift vaspritze. Die
annere Parteien hann jetzt, woos sespät iss, gesaad dass se mit denne nix
seduun hann wolle. Jo - guggen dass die nidd all zu vill mache kinne unn guggen dass
die beim nägsche mol sich de Bezirksrat von ausse angugge kinne. Ma muss sich
jo schäme unn dass iss noch lang nidd das schlimmschde do debei.
Allee dann:
MANFRED KLASEN